Бид үйлчлүүлэгчиддээ олон улсын шилдэг туршлага, Монгол Улсын хууль тогтоомжийн шаардлагад нийцсэн уурхайн хаалтын төлөвлөгөөг боловсруулах, уурхайн хаалтын зардлыг тооцоолох, уурхайн хаалтын санхүүгийн баталгааг хангахад эрх зүйн туслалцаа үзүүлдэг.

“Кью Эм Си” ХХК нь 2014 оны 4-р сард “Уул уурхай, металлургийн цогцолбор байгуулах” төсөл хэрэгжүүлэх зорилгоор Дархан-Уул аймгийн нутаг дэвсгэрт, “Дарханы Төмөрлөгийн Үйлдвэр” ХК-ийн үйлдвэрийн талбайд жилд 350 мянган тонн ган цувимал бүтээгдэхүүн үйлдвэрлэх хүчин чадал бүхий “Монгол Ган Цогцолбор 1” төслийн техник эдийн засгийн үндэслэлийг Уул Уурхай, Хүнд Үйлдвэрийн Яамны сайдын тушаалаар батлагдсан “Хүнд үйлдвэрийн салбарын техник эдийн засгийн үндэслэлд тавигдах үндсэн шаардлагууд ба хүлээн авах журам” -д заасан шаардлагуудын дагуу боловсруулсан. 

“Кью Эм Си” ХХК нь 2009 оноос хойш уурхайн хаалт, нөхөн сэргээлтийн ажлын чиглэлээр Монгол Улсын Засгийн газартай хамтран идэвхитэй ажиллаж, “Уурхай, уулын болон баяжуулах үйлдвэрийн нөхөн сэргээлт, хаалтын журам”-ыг 2019 оны 8 дугаар сард Уул уурхай, хүнд үйлдвэрийн болон Байгаль орчин, аялал жуулчлалын сайд нарын хамтарсан тушаалаар шинэчлэн батлуулсны дээр “Хаалтын менежментийн нэгдсэн төлөвлөгөө” боловсруулах аргачлалыг боловсруулан болно.

“Кью Эм Си” ХХК-ийн экспертүүдээс бүрдсэн “Үндэсний зөвлөх баг” -ийн хамт олон “Оюу Толгой” ХХК-ийн Орон нутгийн харилцаа, хамтын ажиллагааны хэлтэстэй хамтран гүний уурхайн нөлөөллийг орон нутгийн иргэд, удирдлагуудад мэдээлж, цогцоор нь ойлгуулах ажлыг гүйцэтгэсэн.

Уул уурхай, хүнд үйлдвэрийн яам, “Эрдэнэс Силвер Ресурс” ХХК, Канадын ЗГ-ын санхүүжилттэй MERIT төсөл хамтран хэрэгжүүлж буй Салхитын уурхайн хаалтын төлөвлөгөө боловсруулах жишиг төслийн эхний

“Кью Эм Си” ХХК-н төслийн багийн хамт олон “Саусгоби сэндс” ХХК-н Овоот Толгойн уурхайд зориулан концепци уурхайн хаалтын төлөвлөгөөг олон улсын жишигт нийцүүлэн боловсруулсан.

Бид “Эрдэнэт үйлдвэр” ХХК-ийн уурхайн хаалт, тогтвортой хөгжлийн сангийн журмын үндэслэлийг “Эрдэнэт үйлдвэр” ХХК-ийн захиалгаар боловсруулсан.

“Эрдэнэт Үйлдвэр” ХХК-ийг 2016-2025 онд хөгжүүлэх хаалт-хөгжлийн концепци боловсруулахтай холбоотой нийгэм-эдийн засгийн үнэлгээний суурь судалгааны ажлыг 2016 онд гүйцэтгэсэн.

“Эрдэнэт үйлдвэр” ХХК-ийн хаалтын менежментийн систем нэвтрүүлэхтэй холбоотой урьдчилсан судалгааны ажлыг 2015 онд гүйцэтгэсэн.